Al programa, 6 cantaires occitans de renom amb lors musicians, un grop de dançaires e un contaire !
La serada se passarà en 3 partidas :
1) En primièra partida, a 19 oras petantas, un grop de dançaires de danças occitanas traditionalas entemenarà la serada. Serà seguit de la prestacion dels dos primièrs cantaires.
2) Puèi, i aurà una pausa de tres quarts d’ora per manjar, beure un còp e parlar amb los amics. De plats seran preparats e venduts per los restaurators del canton.
3) Après aquò, tornaràn los dançaires, seguits per lo torn de cant dels quatre autres cantaires fins a 23 oras e mièja.
La presentacion de la serada serà faita per Guiton (Guy Sié) que dirà tanben un o dos contes dins la lenga nòstra.