Eric Fraj canta Lorca

Band : Éric Fraj, Max Rouquette
Title : Èric Fraj canta Lorca
Label :
Format :

CD

Max Roqueta comencèt de revirar Lorca en occitan dins las annadas 40, e contunharà d’o far de lònga dins sa vida. Lo cant prigond, l’inspiracion populara e la modernitat poëtica dau poèta andaló noiriràn sa cèrca pròpria. Eric Fraj pòt cantar tan plan en òc coma en castilhan o en catalan. Aicí, canta, a capella, o acompanhat a la guitarra de Morgan Astruc, quinze poèmas d’aquela revirada occitana de Lorca, trachs dau Romencero gitano, dau Cante Jondo, dau Divan dau Tamarit, e dau Planh per Ignacio Sanchez Meijías. La votz occitana tota de clartats e d’ombras, los ritmes andalós en resonància discreta, se fondon per bailar quicòm de nòu, de singular, e de fòrça esmovent.

Totas las musicas son d’Èric Fraj, levat “Romance de la luna”, compausada per Paco Ibañez.

Podètz escotar totas las cançons de l’album sus la pagina francofòna del site.